حكمــة اليوم

ثِق بِأَن الْصَّوْت الَهـادِئ أَقْوَى مِن الْصُّرَاخ؛وَأَن الْتَهـذِيْب يَهـزَم الْوَقـآَحّة ., وَأَن التَّوَاضُع يُحَطِّم الْغُرُوْر.

السبت، 26 مارس 2011

التيار القومي العروبي

ايمن نور, حمدين صباحي و محمد البرادعي

نعتز بالقومية التي زرعها فينا جمال عبد الناصر لكن عذرا من حقنا ان نقول "لن اعيش في جلباب ابي" و من حقنا نرفض التيار القومي بصورته الناصرية القديمة و اكبر ممثل له حاليا على الساحة حمدين صباحي مؤسس حزب الكرامة و الذي ينوي ترشيح نفسه.
لماذا نرفض التيار القومي الآن؟ لانه تيار اخذنا بالعاطفة و معسول الكلام و لم يحقق شئ و الزعيم الملهم جمال عبد الناصر الله يرحمه و يسامحه بقى كان حنجوري و فنجري بؤ يعني..
يتضح لنا كيف يلعب التيار القومي بمشاعر المصريين في التصريح الاخير لحمدين صباحي الذي يقول فيه ان اول قرار سيتخذه عندما يتولى الرئاسة هو ان يوقف تصدير الغاز لاسرائيل مستغلا كرهنا الابدي لاسرائيل و رغبتنا لايقاف العار الذي حملنا له النظام البائد بتصدير الغاز لاسرائيل بابخس الثمن...رغم ان قرار ايقاف التصدير كان قد صدر من احد المحاكم المصرية من قبل الثورة بمدة و لكن هذا عقد و له شروط و تحكمه قوانين و ليس من السهل التملص منه و اظن ان الحكومة المصرية حاليا تبحث عن مخرج منه بأقل الخسائر....اما تهور حمدين صباحي الذي يظن انه بضغطة زر سيوقف تصدير الغاز فهو سيكبدنا متاعب و كما نعرف خبث الكيان الصهويني و كيف يتفنن في اذيتنا فمرة من نفسنا نكون في نفس ذكائه و نتحايل بنفس طريقته
نعود لحمدين صباحي و تصريحه عن تصدير الغاز و اتفاقية كامب ديفيد يوحي انه مثله مثل اي قومي عروبي يفكر في العرب و قضاياهم اكثر مما يفكر في مصر ....لم يتحدث الرجل عن خططه لاصلاح الاقتصاد برغم علمنا مسبقا عن خلفيته الاشتراكية و ان خططه اشتراكية طبعا و هكذا تتأرجح مصر بين الاشتراكية و الانفتاح و الخصخصة كل رئيس سيأتي حيمشينا على مزاجه..
الطامة الكبري في تصريح حمدين صباحي هو رغبته في تعيين ثلاث نواب يمثلون تيارات سياسية مختلفة و ذهلت الحقيقة لان الرجل يريد نقل تجربة العراق في المحاصصة إلينا و العراق له سابقة في تعدد نواب الرئيس حتى انه كانوا بصدد تعيين نائب رابع قال يعني لان كرسي الحكم لا يستقر الا باربعة ارجل.....فكيف يريد صباحي تقسيم المجتمع و نحن نحاول الهروب بأقصى ما يمكننا من التقسيم الطائفي ثم يأتي هو ليجعله اوضح صورة بجعله رسميا ممثلا في ثلاث نواب كما يوضح تفكيره هذا انفصاله عن المجتمع فهو يظن النخبة التي يجتمع بها و مقسمة الى تيارات مختلفة تمثل المجتمع بينما لو نزل الى الشارع و سأل هذا و ذاك هل انت ليبرالي علماني او اسلامي او يساري فلن يفهموا كلامه.
ليس لدي شئ سلبي عن حمدين صباحي كشخص لكن التيار القومي لا ينال ثقتي برغم اعتزازي بالقومية العربية و برغم ايماني بأهمية الوحدة مع الامة العربية و الاهتمام بقضاياه لكن اؤمن اكثر الا تكون العلاقة مع الأمة العربية قائمة على العاطفة بل مصالح متبادلة و علاقة ندية تكاملية ليس فيها دور الأخ الاكبر...

هناك 6 تعليقات:

  1. حمدين صباحي هو الأفضل حتى و غير كدة عن خطة
    في الداخل و خطة ترتيب العلاقات في الخارج
    و احنا شفنا لما بعدنا عن العالم العربي
    كرامتنا قلت ازاي و خسرنا دول كثيرة

    غير كدة انا مع الغاء الغاز الي بيتصدر للصهاينة
    احنا اولى بالغاز دة
    مصر في حاجة الان الي الاشتراكية و الرأس المالية
    الوطنية و احنا جربنا السوق الحرو الاستثمار
    الي خرب البلد
    و الليبرالية و العلمانية مينفعوش
    في مصر و بعدنا عن العالم العربي و الافريقي
    خسر كثير لمصر من كرامتها و من امنها القومي
    كفاية نوم في حضن الغرب و امريكا الي عاوزة
    مصر تفضل استهلاكية و تمول منظمات المجتمع المدني
    اياها الي ليها فعلاً اهداف مشبوهة زي الاقباط متحدون
    و زي منظمة مايكل منير الي بتشتغل تحت شعار
    الليبرالية
    مصر تحتاج الي اعادة ترتيب العلاقات الدولية و الداخلية
    فانا شايف اننا لازم نرجع العلاقة مع سوريا بعد ان
    تتحرر و مع ايران و مع تركيا
    وشايف اننا المفروض اننا نرجع العلاقة مع
    اثيوبيا قبل امريكا و اوربا اثيوبيا اهم دولة
    لينا عشان الي يسيطر على اثثيوبيا سيطر على
    مصر و اعتقد ان اسرائيل سيطرت على اثيوبيا قبلنا
    بسبب كامب ديفيد و هو قال هيطرح الاتفاقية
    للتصويت لو الشعب وافق تتعدل هتتعدل تتلغي هتتلغي
    هتستمر هتستمر.
    فانا شايف حمدين صيلح ل الفترة القادمة و كفاية
    نوم مع الغرب الرأس مالي

    ردحذف
  2. يا مواطن مصري كلنا عايزين نتخلص من اتفاقية تصدير الغاز بس ده مش بالساهل مش بكبسة زر الاتفاقية تتلغي..ده عقد و العقد شريعة المتعاقدين هي اي نعم شريعة باطلة في نظرنا بس يلزم الجانب المصري بالتزامات و فسخه يوقع عليه عقوبات - انا قصدي على الشرط الجزائي - و غير كدة و كده مش كويس اننا نستعدي اسرائيل بتهور و سرعة كده امال السياسة اتخلقت ليه؟ شوف انا قصدي نلعب مع الصهاينة بنفس طريقة خبثهم ومكرهم المعهود..نفسخ العقود لكن تحت حجج تضمن ان الشرط الجزائي لا يطال مصر بسوء و يضمن ان المجتمع الدولي لا يري في فسخ العقد دعوة لاعلان الحرب و الا نلاقي امريكا تعمل علينا حصار و عقوبات اقتصادية..
    انا من رأي مثلا مصر تتحجج بعدم قدرتها على تأمين خط الغاز و فعلا التفجير اللي حصل قبل كدة يعزز الحجة دي و بشوية مفاوضات تقدر مصر تفسخ العقد و لو اني برضه واثقة انه مش بالساهل.

    و بعدين انت زي شايف اهمية توطيد العلاقات مع العمق الافريقي زي ما انت ذكرت مثال اثيوبيا فهل حمدين صباحي مركز في المطلب ده و الا هو عينه على فلسطين و اسرائيل و العرب عموما؟؟ واحد ناصري تتوقع منه يفكر ازاى؟؟؟
    و بعدين احنا جربنا الاشتراكية في عهد ناصر و فشلت كمان و شوف عندك كام شركة حكومية و مصانع اصبحت تخسر بعد التأميم
    و هنروح بعيد ليه عندك الاتحاد السوفيتي جرب الاشتراكية و امريكا و الغرب جربوا الرأسمالية مين فيهم استحمل اكتر؟
    بالنسبة لكامب ديفيد بصراحة مش اى حاجة تتعرض ف استفتاء خصوصا في الحاجات اللي اكبر من تفكير المواطن البسيط..احنا بعاطفية حنقول نلغيها و شوف بقى حالنا ازاى اذا امريكا معجبهاش الغائها و واجهته بالعقوبات الاقتصادية و اسرائيل اصبحت تهدد الحدود مرة بعد مرة هنعمل ايه و احنا اقتصادنا مش حمل حرب دلوقتي....ما هو ربنا عرفوه بالعقل الاتفاقية دي اتفاقية سلام و عكسها يعني حرب بالعقل بقى هل احنا قادرين على الحرب حاليا؟ مصر مش حتقدر تقف على رجليها اقتصاديا الا بعد ييجي ثلاثين او خمسين سنة ساعتها بقى نطبق المثل من يملك قوته يملك حريته و اذا كان اكلك من فأسك يكون رأيك من رأسك

    ردحذف
  3. حمدين صباحي قال في مؤتمر انة هيعيد العلاقات مع افريقيا و دول حوض النيل
    الشركات خسرت عن عمد بسبب سياسة الخصخصة و بيعها
    و عندك شركة الاسمنت لافارج و الالمونيم على سبيل المثال
    كامب ديفيد هي الي مانعة نهضة مصر و مقيدة حركتها
    و علاقتها الخارجية
    و عقد الغاز اساسا باطل و اظن فية حكم محكمة ببطلان عقد تصدير الغاز الي الكيان الصهيوني
    ولا اتننتي شايفة ان المواطن الهيوني اولى ببالغاز
    المصري من المواطن المصري؟
    وواحد ليبرالي هل احنا ننام في حضن الغرب
    و التبعية للبنك الولي الي غرق البلد ديون
    بقروض تحت مسمى المنح الاقتصادية و المعونة
    الامريكية ؟
    على الاقل اشتراكية ناصر كانت بتعمل مصانع
    و مدارس و جامعات و كان معترف بيهها
    و خرجت زويل و فاروق الباز و مصطفى السيد
    و اخرين
    الرأس مالية بتحول البشر لعبيد بتليهم عبيد
    يشتغلو بالعشرين ساعة عشاتن صاحب المصنع
    يكسب ملاين و العامل الغلبان يكسب 500 جنية
    و اديكي شفتي رأس مالية أحمد عز عملت اية في البلد
    اشتراكية الاتحاد اسوفيتي انسانية عن الراس مالية
    الامريكية الاستعمارية اغراق العالم الثالث في ديون
    ثم جعلهم اسواق استهلاكية لا تنتج
    كامب ديفيد ممكن تتعدل يا تتلغي هي مش قرأن ولا انجيل يعني و بعدين احنا استفدينا اية من كامب
    ديفيد لا سيناء اتعمرت ولا تقدري تأمني حتى سيناء
    بنشر قواتك ولازم تاخدي الاذن من ماما امريكا
    و الكيان الصهيوني عشان يسمحو انك تزودي عددق واتك في سيناء
    لا سلام مع الكيان الصهيوني السلام مع الكيان الصهينوني يعني انك تكوني مطاطية راسك و تاخد بالقفا و تنضربي و متقدريش تقولي تلت التلاتة كام
    و مش معنى نقول نلغيها او نعدلها باننا نعلن الحرب
    على طول ممكن تتعدل او تتجمد او تتلغي انما
    مش مستحيل اننا نعيش تحت رحمة اسرائيل بسبب كامب ديفيد

    ردحذف
  4. و شركات غزل المحلة كلها خسرت بسبب سياسة الانفتاح الاقتصادي بتاعت السادات

    ردحذف
  5. مواطن مصري
    اظن مفيش داعي اؤكد لرفضي لتصدير الغاز , هو عقد باطل من جهتنا انما الطرف التاني حيقول ايه و هيعمل ايه لما نوقفه هو دي اللي لازم نفكر فيها تصرفات متهورة غير محسوبة العواقب مش عايزين
    اما كامب ديفيد الغائها فعلا سيعني حرب بالنسبة للكيان الصهيوني و هيعمل لنا قلق في المجتمع الدولي هو و امريكا اذا الغينها فجأة و احنا اقتصادنا مش مستحمل قلق السياسة الخارجية مرة تانية اذا لم تملك قوتك لا تملك حريتك و لا حتى حرية الغاء المعاهدات.
    و على فكرة المشكلة مش مشكلة كامب ديفيد و لا سلام مع الكيان الصهيوني..ما هو الرسول عمل سلام مع اليهود فيعني قرار السادات كان قرار صح و في وقت مناسب رغم ان آلية تنفيذ مكنتش مناسبة لانه عمل المبادرة دي منفرد و سببت شرخ في جدار العروبة لكن فعلا كنا محتاجين للسلام لان البلد تعبت من الحروب عندك فكرة كم حرب خاضها الجيش المصري من بعد ثورة يوليو!! المشكلة في مبارك اللي جاء بعد السادات و حول السلام لاستسلام...هو كان يقدر يحافظ على كرامة مصر و نديتها مع اسرائيل لو عايز...كان يقدر يعمر سينا و ينهض بالاقتصاد لو عايز...كان يقدر يعمل كتير لمصر بس هو مش وش نعمة.
    المهم انا عايزة اى رئيس ييجي ينسى ام كامب ديفيد دي مؤقتا لحين ينهض بالاقتصاد لان الاقتصاد هو الضهر اللي حتتسند عليه مصر لو اتخذت قرار مماثل
    بالنسبة للاشتراكية التي تقول انها افرزت زويل و الباز...هذه الشخصيات نبغوا اساسا في ظل الرأسمالية التي وفرت لهم الاموال لابحاثهم ...عموما هي اشتراكية او رأسمالية او حتى اقتصاد اسلامي كل دي نظريات وضعت بمثالية لكن عند التنفيذ بتفرق على حسب مين المنفذ...الاشتراكية فشلت عندنا بسبب البيروقراطية الحكومية اللي عايزة انجاز بالكلام بس عشان ترضى الزعيم الملهم و توفر له كلام يقوله في خطبه...و الرأسمالية فشلت بسبب السرقة و النهب و الديكتاتورية و انعدام الرقابة...يعني الخلاصة العيب مننا او كما قال الشاعر نعيب زماننا و العيب فينا و ما لزماننا عيب سوانا

    ردحذف
  6. معقول لسه في حد في الدنيا بيتكلم عن الصراع ما بين القوميه الاشتراكيه والقوميه الراسماليه؟؟دي اصبحت كتب ومراجع مش اكتر لكن علي ارض الواقع اصبحت الانظمه المحترمه متجهه لسياسات السوق الحر دون اهمال تبعية الدوله.. علي فكره انا ليبرالي وان شاء الله هنتخب صباحي مش لانه ناصري لانه مناضل له تاريخ سياسي وبرلماني قوي(سيناتور)وفي راي ان الدبلوماسيه الشعبيه هي الاحق بالقياده..

    ردحذف