حكمــة اليوم

ثِق بِأَن الْصَّوْت الَهـادِئ أَقْوَى مِن الْصُّرَاخ؛وَأَن الْتَهـذِيْب يَهـزَم الْوَقـآَحّة ., وَأَن التَّوَاضُع يُحَطِّم الْغُرُوْر.

الأحد، 12 يونيو، 2011

الجاسوس الصعيدي...



الجاسوس الاسرائيلي الاهبل :)
جاسوس الصهيوني الذي تم القبض عليه حديثا اما انه ليس جاسوس او انه جاسوس غبي فقد اكثر من تصوير نفسه في مصر في ميدان التحرير و اماكن مختلفة..
و لان الشئ بالشئ يذكر فالموضوع كله فكرني بنكته عن هريدي الجاسوس الصعيدي ^_^
كان واحد بلديتنا اسمه هريدي واسرائيل جندتة انه يشتغل جاسوس لحسابها فبعد مقعدوا يدربوه كام شهر اتفقوا معاه انه ميشتغلش ولا يجمع معلومات غير لما يبعتولة حد من طرفهم ويقله كلمه السر اللي هيا خالتي بتسلم عليك..المهم عدت اسابيع واحتاجوا منه معلومات فبعتوا واحد من الموساد وراح عمارته وسال البواب عن هريدي فقله العماره كلها اسمها هريدي روح خبط على اي شقة اسأل..راح خبط على أول شقة راح اللي فتحله واحد قاله كلمة السر "خالتي بتسلم عليك"..راح قاله انت عاوز هريدي الجاسوس ده في الدور الرابع.

هناك تعليقان (2):

  1. الصعيد ده هو اللي كان منه الزعيم جمال عبد الناصر وهو اللي كان منه رفاعه الطهطاوي وكثير من الرموز المصريه التي تفخر بها مصر من مئات السنين ، الصعيدي صاحب مبادئ ، يعني ميمشيش مع التيار ، الصعيدي كل ذنبه أنه بمجتمع سلبي لايعرف شئ إلا عن الأطماع، الصعيدي لو كان مبيفهمش كان خد حقه بدراعه الصعيدي لو مش بيحب مصر كان قطع شريط سكه حديد ، الصعيدي يعرف لو حب يعبر عن رأيه بيهتم بالآخرين ولا يستطيع أن لا يتلقى رأي الآخرين بسخافه ، الصعيدي بيقولوا قفل عشان مسمحش للإحتلال الفرنسي يعدي عليه ويساومه
    ، إرجعي للتاريح وللأصول المصريه تعرفي من هم أصول مصر بالأسماء ، أنا عارف أن حضرتك متقصيش الإساءه للصعيد ، لكن يصعب عليه إننا ننادي بالتغيير ، وإحنا محتاجين نتغير ونغير من سلبياتنا

    ردحذف
  2. طبعا حضرتك عندك و انا عن نفسي صعيدية لكن لما تيجي النكتة مننا مش ممكن يكون المقصود بها استهزاء و سخرية انما هذه النكتة بالذات تضيف خصلة اخرى للصعيدي و هي انه مستحيل تجنيده لصالح العدو فيه زي صعيدنا فين :)

    ردحذف