في البوست السابق تحدثت عن معايير تقييم المسئولين و الحقيقة غلبت انبه لعيب خطير في المصريين هو اعتمادهم على المعايير العاطفية في تقييم الاشخاص..
مثال قوى تاني هو وزير الخارجية نبيل العربي, الراجل كان داخل حامي جدا اول ما تولى المنصب و هاتك يا تصريحات تحذر و تنذر اسرائيل الرجل بصراحة يعرف من اين تؤكل الكتف ....هو اسرائيل و علاقة مصر بها و بلع المصريين الطعم و بعد مجموعة من التصريحات الجريئة ضد اسرائيل يأتي التوجه العام بقبول الوزير و استحسانه..
اذن اختصرت كل السياسة الخارجية لمصر في علاقتها باسرائيل و طبعا ملف مياة النيل اصبح اكثر من مجرد مسئولية وزارة الخارجية...
اما في ليبيا يقتل المصريون يوميا و تنشر اخبار مقتلهم على الجزيرة بشكل عادي جدا مقتل مصريين في كذا و كذا و هي فين مصر دي..حد يعرف بلد اسمها مصر تسأل في اولادها يا جدعان...آه دي على ايديك اليمين و انت طالع طيب ايه خير مفيش وزير خارجية يشوف الناس اللي بتموت دي...طيب هما قاعدين ليه لماذا لم يتم ترحيلهم حتى الآن؟؟ طيب الجيش معقولة يغلب في انه يبعتلهم سفينة تاخدهم من ميناء مصراتة؟ دي حتى قطر اللي المصريين مش طايقينها بعتت لهم سفينة و فعلا رحلت منهم اكثر من الف شهر الى الاسكندرية.
و الله حاجة تجيب النكد..انا مش قادرة اتصور احساسي ايه لو انا في مصر و لي شخص قريب او اسرة بكاملها من اقربائي محاصرين و مهددين في ليبيا و ارى اخبار مقتلهم يوميا في نشرات الاخبار و لا صوت و لا رد من المسئولين في مصر و لا حتى على التلفزيون المصري...
ليست هناك تعليقات:
إرسال تعليق