كل حاجة يحولها لمدعاة للتندر و خلق البسمة حتى الكوارث..
حتى الزلزال لم يسلم منهم و ان كان الموضوع ممكن يزيد عن حده فيقلب لضده يعني لو الزلزال كان اشد و نتج عنه ضحايا لا قدر الله و لو واحد له قريب مات في الزلزال اظن مش حيبقى ظريف انه ينكت عليه
المهم الحمد لله اللي جت على كده و يارب يحفظ هذا الشعب و يجنبه المآسي و المعاناة و ييسر له الخير..آمين يارب العالمين
بعض المقتطفات الظريفة من التويتر و الفيسبوك حول الزلازل و نلاحظ تأثير الثورة عليها
حتى الزلزال لم يسلم منهم و ان كان الموضوع ممكن يزيد عن حده فيقلب لضده يعني لو الزلزال كان اشد و نتج عنه ضحايا لا قدر الله و لو واحد له قريب مات في الزلزال اظن مش حيبقى ظريف انه ينكت عليه
المهم الحمد لله اللي جت على كده و يارب يحفظ هذا الشعب و يجنبه المآسي و المعاناة و ييسر له الخير..آمين يارب العالمين
بعض المقتطفات الظريفة من التويتر و الفيسبوك حول الزلازل و نلاحظ تأثير الثورة عليها
- زلزال ١ ابريل: صفوت الشريف وفلول الحزب الوطنى فى محاولة يائسة لفض الاعتصام
- ادى عيب اللى يستورد حاجة من اليابان و مش عارف يستخدمها ازاى...
- عشان تصدقونا لما نقول ان امن الدولة لسه صاحي وبيلعب...شوفتوا الزلزال؟؟
- يا جماعة الزلزال ده طلع قائد الفرقة 313 مدرعة وعنده زلازل صغيرين وحالتهم النفسية سيئة..
- يا جماعة ياللي في التحرير حرام عليكوا عيزين استقرار.....عجبكوا الزلزال يعني؟
- بيان الزلزال رقم 1:نهيب بالسادة المواطنين الشرفاء الاهتزاز مع القشره الارضيه من اجل مرجحه الوطن .. والله الموفق
- اخي المواطن اللي قال نعم للتعديلات.. منك لله ما شفناش اي استقرار حتى على مستوى الطبيعة
- وآدى أول مكاسب الثورة بقى عندنا زلازل زى اليابان بالظبط .. قعدوا يقولوا نبقى زى اليابان نبقى زى اليابان .. لحد ما راحت اليابان ومصر كانت حتبقى فى التوهان
- فى بيتنا زلزال .. زلزال هز شعب مصر .. جائنا الزلزال التالى .. 55 زلزال .. نحن لا نشعر بالزلزال .. لن اعيش مع زلزال بلدى ..
- النائب العام : تجميد أرصدة الزلزال .. ووضع اسمه على قوائم الممنوعين من السفر
- الزلزال الى شعب مصر .. سننضف تويتر من الناس .. بيج بيج .. زنقة زنقة .. هزة هزة
- وزير الخارجية الى الزلزال .... مصر ليـــست اليابــان
- اﻷﺭﺽ ﻭﺍﻟﺸﻌﺐ ﺇﻳﺪ ﻭﺍﺣﺪﺓ
- مركز الزلزال طلع ابن أخت عفاف شعيب; كان بيتكرع
- الزلزال ده مؤامرة سلفية اخوانية قبطية ليبراليه اسلامية مسيحيه مع بعض عناصر من حماس
- ابراهيم حسن : حتى الزلزال ضد الزمالك
- الزلزال ده اكبر دليل علي ان اللي بتعملوه ده بيزعزع استقرار البلد حرام عليكو بجد
- قلة مندسه تتسبب في زلزلت الارض
- التلفزيون المصري: ماس كهربائي تسبب في زلزال ١ أبريل
- أنباء عن اجتماعات سرية بين الزلزال وثوار التحرير لزعزعة الاستقرار وفرقعة عجلة الانتاج
- أغنية حمادة هلال الجديدة : زلزال 1 إبريل .. حصل في شهر إبريل
بس يا خوفي يا بدران الزلزال يطلع كذبة ابريل ^_^
ليست هناك تعليقات:
إرسال تعليق