الرئيس الامريكي اوباما و وزيرة خارجيته هيلاري كلينتون فلقونا و صدعونا كلام ايام الثورة المصرية عن حق الشعب المصري في تقرير مستقبله و اقرار الديموقراطية التي يريدها و لعبوا بعواطفنا بضغطهم على مبارك عميل الامس الذي تخلوا عنه اليوم و سيباركون التضحية به غدا..
و بعد نجاح الثورة لعب اوباما اكتر بعواطف الشعب المصري لما قال لابد ان نربي ابنائنا ليكونوا مثل المصريين و الله خير و بركة يبقى حاسب على نفسك لاحسن تلاقي نفسك في طره..
اظن جاء وقت الحاجة لاوباما ليحول كلامه الى افعال و يدعم المصريين و ثورتهم التي ماتزال مشتمرة حتى القضاء على الفساد و معاقبة الفاسدين و منهم وزير المالية السابق الذي يصول و يجول في ولاية ميتشجان الامريكية بأموال مصر التي نهبها..
هل نأمل ان اوباما ينفذ لعيون شباب مصر قدوة ابناء امريكا كما يدعي هذه الطلب الصغير..ام ان عمل بطرس غالي كجاسوس لصالح المخابرات الامريكية لن يجعلها تضحي به!!
نشر في جريدة الفجر تحقيق عن وجود جاسوس برتبة وزير في حكومة نظيف و رغم ان هذه الجريدة تعتبر من الجرائد الصفراء و مصداقيتها مهزوزة عندي و احيانا ليس لها مصداقية الا انه لو اخبرني احد ان مبارك نفسه كان جاسوس فسوف اصدق و مع وزير مثل بطرس غالي لا نستبعد الأمر.. فجده كان القاضي الذي اصدر الحكم باعدام المصريين في مجزرة دنشواى اى ان الجد عميل و الحفيد فاسد و العرق دساس..
السؤال الآن و مع ضرورة ضبط و احضار الفاسدين الهاربين من امثال حسين سالم و بطرس غالي فالجريمة لا تسقط بالتقادم و لكن هل ستستهل امريكا الأمر علينا و تسلمه؟!!
انا كمصرية مش عايزة دعم منهم ، عايزاهم يعتذروا انهم غلطوا في حق الشعب المصري كتيييييير اوي وكفاية مساندتهم لحسني مبارك 30 سنة وهما عارفين كويس انه ديكتاتور وعارفين ايه اللي بيحصل في سجونه
ردحذفيعتذروا ويبطلوا يتدخلوا في شؤوونا اصلهم لا امنا ولا ابونا
تمام يا كمونة عندك حق و مش عايزين المعونة كمان و دا الاهم بس لو اسقطوا الديون يبقى كويس و لو انه ده مش حيكون ببلاش لازم هيعوزوا حاجة في المقابل لانهم ناس برجماتيين يعني مصلحجية..
ردحذفو الاهم من كل ده يسلمونا بطرس الغالي الحرامي و ده مش حيبقى من و لا تفضل ده واجب عليهم بعد الرغي الكتير اثناء الثورة