مسجد الرحمن ثاني اضخم مسجد يصمم على نسق مسجد الفاتح باسطنبول في الشرق الاوسط..غير مكتمل الانشاء بعد
قصة المسجد:
هذا المسجد تابع لجمعية الهداية الإسلامية، الذي يشرف عليها الشيخ حافظ سلامة شيخ المقاومة الشعبية بمدينة السويس زمن الاحتلال الإنجليزي والإسرائيلي ، وهو الذي قام ببناء المسجدالشهير (مسجد النور بالعباسية) ولكن العجيب في مسجد الرحمن بالمظلات ليس كونه تحفة معمارية لن تتكر ، ولا لانه يحتوي علي مستشفي ومدرسة ولكن العجب العجاب بان هذا المسجد متوقف علي هذه الهيئة منذ خمسة عشر سنة والاعجب والاعجب اصبح مسكن للخفافيش وللاطفال للعب الكرة هذا المسجد تعثر إتمامه فترة من الزمن بسبب تجميد نظام مبارك لأموال وأعمال جمعية الهداية الاسلامية هذه رواية والراوية الثانية بانه موقوف بناءه بقرار من جهاز امن الدولة ورواية ثالثة بانه موقوف بسبب خلافات نشبت بين الجميعة وبين وزارة الاوقاف بسبب الارض المبني عليها المسجد.
المسجد تحفة معمارية و حلو و كل حاجة لكن البذخ ده في تصميم و بناء المساجد بتصميمات استثنائية و فريدة و مكلفة يكون لما يبقى فيه فائض مش من التبرعات و الجهود الذاتية من شعب فقير زي المصريين يعني اللي اتبرع للجامع اولى انه يتبرع لمدرسة و مستشفى او لاطعام الناس في المناطق العشوائية او كسوتهم او عمل مشاريع صدقة جارية...او..او..الخ اوجه كثيرة للانفاق في سبيل الله....
انا عايزة اقول اللى حصل عندنا في اقصى الصعيد و بطريقة ما له علاقة بهذا الموضوع..... في قرى الصعيد عادة لا نبنى المساجد بالبهرجة دي انما دلوقتي بنوا مجمع اسلامي ,جامع برضة و مش عارفة معاه ايه المهم شكله متكلف جدا في البناء حتى اضواء الزينة مش ناسينها.. بعد افتتاح المسجد بايام فيه مدرسة ابتدائية مجاورة للمسجد انهار جزء من سقفها المدرسة مبنية بالطين و الحجر مش بالخرسانة المسلحة يعني ممكن تيجي السيول و تشيلها و فعلا هى اصبحت متهالكة اكثر فاكثر من آخر مرة حصلت سيول..فده حرام و الا حلال المدارس تقع على رؤوس الاطفال بينما يسرف الناس في تزيين المساجد و بناءها و ياريتهم بيصلوا فيها دا متشوفش جامع مليان الا في صلاة الجمعة و بقية الايام لا...الاسلام كرم الانسان لانه هو الاساس و نقطة الانطلاق لعبادة الله مش المباني و الاحجار التي هي مجرد وسيلة لا غاية..و اجدادنا كانوا بيقولوا في المثل اللى يعوزه البيت يحرم على الجامع...
ليست هناك تعليقات:
إرسال تعليق