طقم للعيد لحمادة2 يونيفورم مدرسة لحمادة
طقم للعيد لرانيا
2 يونيفورم مدرسة لرانيا
جزمة كوتشى و شرابات لحمادة
شنطة (بعجل) لحمادة
كراسات و كشاكيل و دستة اقلام و 2 استيكة لحمادة
جزمة و شرابات لرانياشنطة فولا بعجل رانيا
كرسات و كشاكيل و دستة اقلام و 2 استيكة لرانيا <<< حتى الأستيكة ميقدرش حدينساها
اللى فوق ده لستة مشتروات افتراضية بتكتبها ام عندها ولد و بنت و الايام الجاية (بعد حوالى شهر من الآن) ننشغل بالعيد و المدرسة و متطلباتهم...
ربنا يستر بصراحة زنقة ما بعدها زنقة بتدخل فيها الاسرة المصرية و مع ضغط الحياة و غلو الاسعار و المرتبات زى ما هى بتبقى المهمة الاكبر على اللى بيحسب حسبة برما عشان يجيب للاولاد اللى يفرحهم و يبسطهم و فى نفس الوقت الفلوس تكفى
قلبى عند كل اسرة مصرية فى الوقت ده و ربنا يهدى عليهم المسئولين و يبحبحوها شوية فى المرتبات او ان الاسعار تنزلو تمر الايام الجميلة دى بخيرهى جميلة فعلا بصراحة لان اجمل ما فيها فرحة الاطفال بالحاجات الجديدة
و اجمل ما فيها كمان شعور الأب و الام بالمسئولية و لو اب و ام محرومين من الاطفال بيعرفوا الفرق..
و الاجمل و اللى مش بيحس بيه البعض ان الاسر المحتاجة لما يقدم ليها الخيرين المساعدة و يعيشوا نفس شعورهم بانه اولادهم يفرحوا بالحاجات الجديدة كل ده جميل رغم انه بيكون وقت صعب و وقت ضغط من نواحى تانية
كل سنة و انتوا طيبين
كل سنة و انتوا طيبين
فكرتيني بأيام طفولتي والمدرسة وشنطة الكتب والكراريس والأساتيك والبرايات حلو كلامك ده
ردحذفلان اجمل ما فيها فرحة الاطفال بالحاجات الجديدة و اجمل ما فيها كمان شعور الأب و الام بالمسئولية
ميرسى يا استاذ حسام فاكر بقى كنا بنغلب اهلنا ازاى لما نصر على اليونيفورم ده بالذات و الا الجزمة دى بالذات و الا اللى بيعملوه البنات دلوقتى تقولك عاوزة شنطة فولا (فولا دى شخصية كارتونية) و بيغلبوا ابهاتهم و امهاتهم احيانا .... بس غلبة لذيذة
ردحذفشرفنى مرورك يا استاذ حسام