حكمــة اليوم

ثِق بِأَن الْصَّوْت الَهـادِئ أَقْوَى مِن الْصُّرَاخ؛وَأَن الْتَهـذِيْب يَهـزَم الْوَقـآَحّة ., وَأَن التَّوَاضُع يُحَطِّم الْغُرُوْر.

الأحد، 9 أغسطس 2009

المشكلة و حلها.. معضلة!!


زمان ...مش زمان اوى يعنى انما لما كنت صغيرة كان فيه سؤال اوفزورة بمعنى اصح هو ظريف شوية بس محتاج تركيز اكيد كان السؤال بيقول:بياض البيض اصفرٌ و الا اصفرٍ و الا اصفرا
طبعا هنا كله هيركز على التشكيل و هيحاول يفتكر القاعدة النحوية و يعرب كلمة اصفر لكى يحصل على الحل بينما فى الحقيقة بياض البيض ليس اصفرا على الاطلاق
من المنطلق ده فيه ناس بتقولك احيانا الحل قدامك و ابسط من البساطة و لكنك لا تراه لانك تغفل بعض التفاصيل او لانك تتبع المنهجية المألوفة لك غالبا فى الحل
من ناحية اخرى كان هناك ايضا قصة صغيرة عن رواد الفضاء الامريكين لما طلعوا للفضاء و مع حالة انعدام الجاذبية لم يستطيعوا استخدام قلم الحبر لكتابة ملاحظتهم فى النوت, الرواد الروس ببساطة استخدموا قلم رصاص بينما الرواد الأمريكيين حاولوا يخترعوا قلم حبر لا يتأثر بالجاذبية و دخلوا فى تعقيدات و متاهات لا داعى لا داعى لها
هوالحقيقة ان الواحد ممكن يفهم من القصتين ان الحلول الأفضل هى دائما الأبسط و لكن الأبعد عن التفكير.....ده فهمنى انا لمعضلة المشكلة و حلها
اصحاب الخبرة فى منهجية حل المشكلات لهم رأى مختلف تماما
اتذكر احد الاساتذة فى كلية تجارة و هو يشرح فى هذا الموضوع "حل المشكلات" نظرية غريبة شوية و انا بصراحة هل تساءلت حينها هل الاحصائيات و المشاهدات المتكررة هى التى ساعدتهم فى التوصل لهذه النظرية؟
النظرية بتقولك انه لو مشكلة لها اعدة اسباب اذن 20 فى المائة من الاسباب هذه تسبب 80 فى المائة من المشكلة و العكس صحيح.....حد فهم حاجة؟؟؟
بالعربى الفصيح النظرية تقول ان القليل من المسببات لكنها معقدة و متشابكة بدرجة كفاية لانها تكون مسببة لمعظم المشكلة
النظرية فى رأيى مفيدة جدا من ناحية ان تساعد فى تركيز الجهود على عدد محدود من الاسباب للحصول على نتيجة اسرع طبعا ده لو نجحنا فى تحديد هذه المسببات التى لها الدور الأكبر فى تفاقم المشكلة..و هى دى المشكلة :)

ليست هناك تعليقات:

إرسال تعليق