 |
| مظاهرات امام السفارة الاسرائيلية و مطالبة بانزال العلم و رحيل السفير...احتجاجا على الغارات الاسرائيلية على غزة و قبل كل شئ مجرد غيض من فيض من الغضب الكامن في قلوب المصريين على هذا الكيان المجرم المسمى اسرائيل |
ملحمة بحر البقر شعر : محمد عبدالباقي
قومي يا فاطمة عشان مدرستك
و انت كمان قوم يا حسين
قوم يا حبيبي إنت وأختك
أيوه يا أمي خلاص قايمين
قوم يا حبيبي الشمس أهي طلعت
طالعة تبوس خد الشاطرين
صباح الخير عليكي يا أمي
صباح الفل على الطعمين
تعالي يا فاطمة أعملك شعرك
الله يصون ست الحلوين
ياللا يا شطار آدي الإفطار
تسلم إيد ست الغاليين
آدي شنطكم وآدي كتبكم
يحميكوا ربي من الحاسدين
( من جد وجد )..
( من زرع حصد ) ..
ومرت ساعة أو ساعتين
وفجأة ..!!
قنابل زي السيل
نازلة ياعيني على المساكين
وصراخ يعلى ...
وصوت بيهدي ..:
أمي ...
أبويا ....
وراحوا ساكتين ..
وصوت بينادي :
-فين أولادي ..؟
.. راحوا مني في غمضة عين ..؟ والتانية بتصرخ :
ابني وحيدي ..
لغيرك يا بني أنا عايشة لمين ..؟
والتالتة بتجري وتصرخ برضه :
-ابني
-حبيبي ... -ضنايا فين ..؟
آدي مسطرته ..
وآدي كراسته ..
مكتوب فيها يادوب سطرين
سطرين بس انكتبوا بدمه
يحكوا ندالة الخاينين
و آدي كراسة ( فاطمة المصري )..
.. وآدي كتاب أخوها ( حسين ) ..!!
.. و آدي شريط الشعر بتاعها
وكمان شنطة ( ليلى أمين )
سجل يا تاريخ واكتب عندك
طيران ..
وقنابل ..
وكراستين ..!!!
وأزهار بيضا بتنزف دم
مين ضمايرهم تصرخ ..؟
مين …؟
وكمان يا تاريخ وقَّف لحظة
خلينا نبوس ( فاطمة )
و ( حسين ) .
ليست هناك تعليقات:
إرسال تعليق