حكمــة اليوم

ثِق بِأَن الْصَّوْت الَهـادِئ أَقْوَى مِن الْصُّرَاخ؛وَأَن الْتَهـذِيْب يَهـزَم الْوَقـآَحّة ., وَأَن التَّوَاضُع يُحَطِّم الْغُرُوْر.

الأربعاء، 15 فبراير، 2012

محلاها عيشة الفلاح...

ايه رأيكم في العيشة دي؟ عيشة اهل الريف؟ لو حقارن بين عيشة ابن المدينة و ابن الريف ممكن اقول: 1- ابن الريف خبراته اقل و محتاج حاجات اقل يتعلمها و تفكيره بسيط و تقريبا ساذج عشان كدة بيبقى مضحكة لما يطلع بره..على العكس ابن المدينة بيقضى حياته كلها يتعلم حاجات سلوكيات او افكار يعيش بها في الغابة المسماة مجازا مدينة. 2- ابن المدينة حياته سهلة كل الخدمات متوفرة حواليه و في متناول ايده خصوصا اذا كان مستريح ماديا , اما ابن الريف فممكن يعاني شوية من الناحية دي. 3- ابن الريف حياته كلها بركة و الوقت قدامه طويل يقضيه في انشطة اجتماعية حقيقية انما ابن المدينة حياته كلها ملهيات شغلته عن التواصل الاجتماعي الحقيقي 4- ابن المدينة غالبا نضيف من برة انما ممكن جدا ميكونش نضيف من جوة و العكس بالنسبة لابن الريف 5- ابن الريف باله رايق و ذهنه صافي غالبا و معندوش هموم كتير يشيلها و لا طموحات انما ابن المدينة دايما قلقان عشان عنده تحديات كتير يواجهها و طموحه كبير و لا ينتهي عشان كدة الحضارة بنلاقيها في المدينة و البساطة و الاستقرار نلاقيهم في الريف , و ايضا التغير و التطور نلاقيه في المدينة و الحفاظ على الموروثات و التقاليد نلاقيه في الريف.

ليست هناك تعليقات:

إرسال تعليق