حكمــة اليوم

ثِق بِأَن الْصَّوْت الَهـادِئ أَقْوَى مِن الْصُّرَاخ؛وَأَن الْتَهـذِيْب يَهـزَم الْوَقـآَحّة ., وَأَن التَّوَاضُع يُحَطِّم الْغُرُوْر.

الجمعة، 13 يناير 2012

عن مشاركة البنات في المظاهرات

مش عارفة ايه نوعية الشخص ده اللي يسأل البنات بتنزل المظاهرات ليه! هي البنات عايشة في دنيا غير الدنيا..!! هي البنات مش متأثرة بالفساد و الظلم اللي في البلد! بنص حديث الرسول عليه الصلاة و السلام "النساء شقائق الرجال" و هي شريكه له في كفاحه في الحياة شريكة بجد و فعليا مش انها تطبخله لما يرجع تعبان و يبقى كدة شاركت!! و بعدين كيف لام ان تعلم ابنائها القيم و المبادئ السامية مثل الكرامة و الشجاعة و الثبات في الجهاد اذا كانت لم تجرب بنفسها هذه القيم في ميادين النضال. ضعف بنية المرأة الجسدية ليس عذر لتخلفها عن المشاركة او اقصائها لان التجربة اثبتت ان الفيصل في حسم القضايا ليس القوة البدنية انما الثبات المعنوى و الايمان و هو الدافع الحقيقي للانسان للاستمرار حتى و ان ضعفت قواه البدنية.. ده مع اني اشك ان المرأة ضعيفة بدنيا فعلا كما هو ظاهر لان اللي تقدر تتحمل مخاض 15 ساعة مش حتغلب انها تجاهد من اجل شئ هي مؤمنه بيه..زي ايمانها بطفلها و انها تهبه الحياة و تتحمل في سبيل ذلك كل الآلام.

ليست هناك تعليقات:

إرسال تعليق